Қоян-қолтық ұрыстан Қазақстан чемпионатында 300-ден астам спортшы бақ сынауда
Қазақстан Республикасының ерлер мен әйелдер арасында «өзін-өзі қорғау» және «жекпе-жек» дисциплиналары бойынша қоян-қолтық ұрыстан чемпионаты аясында еліміздің барлық өңірлерінен 300-ден астам үздік спортшы қатысуда.
Қазақстан Республикасы ТЖМ құрамасын, соның ішінде BATYR TEAM клубының спортшыларын, шамамен 40–45 жауынгер құрайды. Олардың әрқайсысы өз өңірінің намысын қорғайды.
Жарыстың бірінші күні мандаттық комиссия мен қатысушыларды ресми өлшеу рәсімі өтті. Екінші күннен бастап іріктеу кезеңінің жекпе-жектері басталды.
Екінші жарыс күнінің қорытындысы бойынша «жекпе-жек» дисциплинасында ТЖМ құрамасы мен BATYR TEAM спортшылары жоғары дайындық деңгейін көрсетті: әрқайсысы 3–4 тартысты кездесу өткізіп, сенімді түрде іріктеуден өтіп, турнирдің шешуші кезеңіне жолдама алды.
Қазіргі таңда медаль үшін күресті 14 спортшы жалғастыруда. Оларды жартылай финал және финалдық кездесулер күтіп тұр.
Бүгін шешуші жекпе-жектердің қорытындысы бойынша чемпиондар мен жүлдегерлердің нақты саны анықталады.
ТЖМ құрамасы мен BATYR TEAM спортшылары табандылық, төзімділік және жеңіске деген ұмтылысты көрсетіп, жарысты сенімді түрде жалғастыруда.
