Қазақстандағы айырбастау пункттерінде доллар бағамы төмендеуді жалғастырып жатыр
Қазақстандағы айырбастау пункттерінде доллар бағамы төмендеуді жалғастырып жатыр.
Доллардың теңгеге шаққандағы бағамы: 7 сәуір Сағат 11:00-дегі жағдай бойынша Астанадағы айырбастау пункттерінде долларды орта есеппен 464 теңгеден сатады, 457 теңгеден сатып алады. Алматыда АҚШ валютасын сату бағамы 460 теңге, ал сатып алу бағамы орта есеппен 457 теңге болды.
Айта кетейік, 6 сәуір күні Қазақстан қор биржасындағы (KASE) күндізгі сауда қорытындысы бойынша доллардың орташа өлшенген бағамы 466,33 теңге болып, 4,07 теңгеге төмендеді.
Сол күні Астанадағы айырбастау пункттерінде доллар орта есеппен 470 теңгеден сатылып, 463 теңгеден сатып алынған. Алматыдағы айырбастау орындарында доллардың орташа сату бағамы 465,22 теңге, ал сатып алу бағамы — 462,76 теңге болды.
7 сәуірге арналған ресми бағам Ұлттық банктің 7 сәуірге белгіленген ресми бағамы — 1 доллар үшін 466,33 теңге.
Теңге бағамына не әсер етеді Бұған дейін журналистер Ұлттық банк төрағасы Тимур Сүлейменовтен доллар бағамының неге төмендеп жатқанын және оның қазақстандықтарға қалай әсер ететінін сұраған. Оның айтуынша, ұлттық валюта нығайып келеді: елдің негізгі экспорты — мұнай (экспорттық түсімнің 50 пайыздан астамы) — қымбаттап, нарықтағы валюта ұсынысын арттырады. Соның нәтижесінде доллар бағамы төмендейді.
Сүлейменов Ұлттық банк инвестициялық кеңес бермейтінін атап өтіп, қазақстандық теңгенің тұрақтылығын дәлелдегенін айтты. Өткен жылдың қорытындысы бойынша теңге жоғары табыстылық көрсетіп, тәуекел мен табыстылық арақатынасы тұрғысынан әлемдегі ең қызықты валюталардың бірі саналады, бұл инвестиция тартуға ықпал етеді.
Ұлттық банкте бұған дейін теңге бағамының қазіргі динамикасы 2026 жылдың басынан бері байқалып отырған ұлттық валютаның нығаю үрдісін көрсететінін мәлімдеген. Ақпанда бұл тренд айқын күшейген. Ұлттық банктің түсіндіруінше, нығаю жекелеген сыртқы оқиғаларға қысқа мерзімді реакция емес, объективті нарықтық факторлармен байланысты.
Сондай-ақ Ұлттық банк икемді бағам саясатын ұстануды жалғастырып отырғанын, бұл теңгерімсіздіктерден сақтануға және алтын-валюта резервтерін сақтауға көмектесетінін қосты.
Еске салайық, 6 наурызда Қазақстан Ұлттық банкі базалық мөлшерлеме бойынша шешім қабылдады. Ол бұрынғы деңгейде — жылдық 18 пайыз мөлшерінде, +/- 1 пайыздық пункт дәлізімен сақталды.
