Абай облысында бес күн далада жатқан қойшы құтқарылды
Абай облысының Абай ауданында бес күн бойы далада қалып қойған қойшыны ТЖМ қызметкерлері құтқарды.
Ведомствоның мәліметінше, 17 наурызда 1969 жылы туған ер адам Абай облысы Абай ауданындағы шаруа қожалығынан жылқымен мал іздеуге шығып, қайта оралмаған. Оның қайда екені белгісіз болып, телефоны өшірулі болған.
Адамның жоғалғаны туралы хабар құтқару қызметтеріне тек өткен түні түскен. Іздеу жұмыстарына құтқарушылар, полиция және туыстары қатысқан.
Бүгін таңертең іздеу тобы ер адамды далада тапты.
ТЖМ мәліметінше, қойшыға ыстық шай беріліп, жарақаттанған аяғы бекітіліп, медициналық көмек көрсету үшін Ақшоқы ауылына жеткізілген.
Анықталғандай, бес күн бұрын оның жылқысы құлап қалған. Жануарды тұрғызуға көмектеспек болған кезде ер адам жылқының астында қалып, аяғын сындырып алған. Осыдан кейін жылқы кетіп қалып, ол далада жалғыз қалған. Осы уақыт бойы ол қармен қоректеніп аман қалған. Салыстырмалы түрде жылы ауа райының арқасында үсік шалудан аман қалған.
ТЖМ алыс аймақтарға шыққанда байланыс құралдарын алып жүруді, жақындарыңызға бағытыңызды хабарлауды және жалғыз жүрмеуді еске салды.
