21 сәуірде 10 өңірде нөсер жаңбыр, найзағай және тұман күтіледі
21 сәуірге арналған ауа райы болжамына сәйкес, синоптиктер елдің 10 өңірінде қатты жаңбыр, найзағай, тұман және желдің күшеюі күтілетінін хабарлады.
Өңірлер бойынша болжам
Шымкент — таңертең және күндіз жаңбыр, найзағай, шквал күтіледі. Жел оңтүстік-шығыстан оңтүстік-батысқа ауысады, таңертең және күндіз екпіні 15–20 м/с.
Жамбыл облысы — таңертең және күндіз облыстың батысында, оңтүстігінде және таулы аудандарында жаңбыр, найзағай күтіледі. Таулы аудандарда тұман болады. Жел оңтүстік-шығыстан оңтүстік-батысқа ауысады, облыстың оңтүстік-батысында, солтүстік-шығысында және таулы аудандарында 15–20 м/с, күндіз екпіні 25 м/с-қа дейін. Облыстың батысында өрт қаупі жоғары деңгейде сақталады. Таразда жел оңтүстік-шығыстан оңтүстік-батысқа ауысып, таңертең және күндіз 15–20 м/с, кей уақытта 23 м/с болады.
Жетісу облысы — жел солтүстік-шығыстан, күндіз Алакөл көлдері ауданында екпіні 15–20 м/с.
Ақтөбе облысы — облыстың оңтүстігі мен шығысында жаңбыр, найзағай күтіледі. Жел оңтүстік-шығыстан батысқа ауысады, күндіз облыстың солтүстігінде екпіні 15 м/с.
Алматы облысы — облыстың шығысында, орталығында және таулы аудандарында оңтүстік-шығыс желі күтіледі, екпіні 15–20 м/с. Қонаевта оңтүстік-шығыс желі кей уақытта 15–20 м/с. Іле Алатауы тауларында (Алматының Медеу және Бостандық аудандарының таулы аймақтары) оңтүстік-шығыс желі кей уақытта 15–20 м/с.
Маңғыстау облысы — күндіз облыстың батысында, оңтүстігінде және орталығында жаңбыр, найзағай күтіледі. Жел солтүстік-батыстан, түнде облыстың солтүстік-шығысында 15–18 м/с. Ақтауда күндіз кей уақытта жаңбыр, найзағай болады.
Батыс Қазақстан облысы — түнде және таңертең облыстың батысы мен солтүстігінде тұман күтіледі. Жел батыстан және солтүстік-батыстан, күндіз облыстың батысында, солтүстігінде және шығысында екпіні 15–20 м/с. Оралда түнде және таңертең тұман болады. Жел батыстан және солтүстік-батыстан, күндіз екпіні 15–20 м/с.
Солтүстік Қазақстан облысы — күндіз облыстың батысы мен солтүстігінде жаңбыр, найзағай күтіледі. Түнде және таңертең облыстың шығысында тұман болады. Жел оңтүстік-шығыстан, күндіз облыстың батысы мен солтүстігінде екпіні 15–20 м/с. Петропавлда күндіз жаңбыр, найзағай күтіледі.
Түркістан облысы — облыстың оңтүстігінде және таулы аудандарында жаңбыр, найзағай, шквал күтіледі. Таулы аудандарда тұман болады. Жел оңтүстік-шығыстан оңтүстік-батысқа ауысады, облыстың батысында, оңтүстігінде және таулы аудандарында 15–20 м/с. Облыстың батысында төтенше өрт қаупі күтіледі. Түркістанда жел оңтүстік-шығыстан оңтүстік-батысқа ауысып, күндіз екпіні 15–20 м/с.
Қызылорда облысы — түнде облыстың солтүстігінде және орталығында жаңбыр, найзағай күтіледі.
Қостанай облысы — күндіз облыстың батысында, солтүстігінде және оңтүстігінде жаңбыр, найзағай күтіледі. Жел оңтүстік-батыстан, күндіз облыстың батысы мен солтүстігінде 15–20 м/с. Қостанайда күндіз жаңбыр, найзағай болады.
